Canolfan Grefft Rhuthun
Y Ganolfan i’r Celfyddydau Cymhwysol

← YN ÔL I'R ARCHIFAU

Oriel 3

Effie Burns

Trysorau Daearol 13 Ionawr 2024 – 17 Mawrth 2024

Mae Effie Burns yn artist sy’n gweithio gyda gwydr bwrw o’i stiwdio yn ei chartref yn nhref glan môr hardd Whitby yng ngogledd Swydd Efrog.

Roedd y prosiect 4 Gwlad hwn dan arweiniad Canolfan Grefft Rhuthun a’r National Glass Centre yn Sunderland yn ail gam mewn archwilio perthynas gwydr ac addurno’r corff. Creodd y cam cyntaf gyfleoedd i wneuthurwyr gemwaith i ystyried potensial gwydr a’r canlyniad oedd arddangosfa’n dwyn y teitl Wearable Glass a ddangoswyd yn y National Glass Centre a Chanolfan Grefft Rhuthun yn 2015/16. Mae’r arddangosfa hon wedi galluogi artist sy’n arbenigo mewn gwydr i archwilio potensial gemwaith. Mae wedi caniatáu i Effie Burns ddatblygu’r corff newydd hwn o waith a fydd, heb amheuaeth, yn dylanwadu ar ddatblygiad hirdymor ei hymarfer, a dathlu potensial gwydr a’n gallu i ymdeimlo nodweddion tebyg i dlysau gemau a llawenydd gwrthrychau bychan.

Wrth ymgymryd â’r prosiect hwn treuliodd Effie gyfnod yn gweithio yn Caithness yn yr Alban, Sunderland yn Lloegr a Rhuthun yng Nghymru a hynny er mwyn datblygu corff newydd o gelfyddyd wydr i’w gwisgo. Cafodd Effie ei hysbrydoli yn yr Alban gan y meini hirion yn Caithness. A hwythau wedi’u gosod oddeutu 4000 o flynyddoedd yn ôl, credir y daeth y cerrig â thair teyrnas y tir, y môr a’r nen ynghyd.