Gweithdy

Mandy Coates Gweithdy undydd:

gwneud basged ffrwythau o helyg 12 Mawrth 10.30am – 4.30pm £55 yn cynnwys cinio ysgafn

Yn y gweithdy own ag arddangoswr GWNEUD, Mandy Coates, byddwch yn gwneud basged ffrwythau fas, gron gan ddefnyddio dulliau traddodiadol o wehyddu basgedi. Fe ddefnyddir gwahanol fathau o rodiau helyg main i roi lliw a gwrthgyferbyniad – gan greu anrheg defnyddiol a hardd ar gyfer bwrdd neu fel anrheg Sul y Mamau.

Yn addas ar gyfer pob lefel.

WEDI DOD I BEN

Sgyrsiau

‘Natur Crefft’

Sgyrsiau Prynhawn 1 Ebrill 1.30pm – 4.00pm £5.00 Ffoniwch i neilltuo lle

Bydd Siaradwyr Gwadd y diwrnod hwnnw’n cynnwys arddangoswyr GWNEUD:-
– Edmond Byrne
– Sebastian Cox
– Angharad Thomas

Fe fesurir un o’r diffiniadau o gychwyniad bodolaeth ddynol o’r adeg y crëwyd ac y defnyddiwyd offer gan ddyn y tro cyntaf. Daw ein dealltwriaeth o natur a bodolaeth gwareiddiadau cynnar o’r astudiaeth o arteffactau. Mae eitemau  sydd wedi’u saernïo yng nghraidd bodolaeth  ddynol. Nod yr arddangosfa GWNEUD yw ysbrydoli ein hymwelwyr i ail-gysylltu â greddfau sylfaenol i greu, i ddefnyddio ac i edmygu gwrthrychau sydd wedi’u gwneud â llaw.

Bydd ein siaradwyr gwadd yn rhannu eu profiadau fel gwneuthurwyr, yn ein tywys drwy natur crefft o fewn eu harfer nhw a pherthynas hynny â byw dyddiol.

delwedd: Angharad Thomas

WEDI DOD I BEN

Gweithdy

Gweithdai Crefft GWNEUD

Verity Pulford & Karen Williams 18 Chwefror 1.30pm – 3.30pm AM DDIM yn addas i bob oed, dim angen bwcio

Verity Pulford – Gwneuthurwr
Gwydr Archwilio’r haenau, y tryleuedd a’r themâu y bydd Verity’n eu defnyddio yn ei gwaith gwydr, ond byddwch yn gweithio â phapurau, asetadau a phapur sidan. Yna gellir rhoi’r darn at ei gilydd i wneud daliwr golau y gallwch fynd ag o adref y diwrnod hwnnw.

Karen Williams – Gemydd a gofaint metel
Defnyddio alwminiwm a defnydd hapgael oddi ar draeth yn ysbrydoliaeth – cyfl e i fwynhau hydrinedd metel drwy gryn dipyn o forthwylio. Byddwch yn patrymu ac yn ffurfi o’r alwminiwm yn godau neu’n gromennau i greu eich darn gwisgadwy unigryw chi.

Galwch heibio ar unrhyw adeg neu dewch i dreulio’r prynhawn cyfan â ni.

WEDI DOD I BEN

Gweithdy

Michael Brennand-Wood Gweithdy 2 ddiwrnod:

‘Sail Mynegiant' 25 & 26 Mawrth 10.30am – 4.30pm £130 yn cynnwys cinio ysgafn

Cyfle unigryw i weithio â’r artist tecstilau hwn sy’n enwog yn rhyngwladol.

Pwrpas y gweithdy deuddydd hwn yw creu seiliau (cefndiroedd) personol unigryw llai – unigol neu gyfres – sydd, o fewn eu gwneuthuriad, â phriodweddau sy’n helpu ac yn cyffroi creadigrwydd. Bydd cyfranogwyr yn arbrofi â nifer o wahanol ddulliau yn dechnegol ac yn gysyniadol. Yn ymarferol bydd y gweithdy’n ystyried gwahanol agweddau technegol o ran sut i lunio, haenu, aflunio, ymgysyllt a thorri ffabrig ar ffurf sy’n anhraddodiadol i raddau helaeth. Fe ddefnyddir ffabrigau ac edefion ochr-yn-ochr â chyfryngau an-weol, pren, paent, resinau a phlastig. Fe ddangosir samplau i’r cyfranogwyr ac fe gân nhw arbrofi â rhybedu, mowldio, weirio a dulliau eraill o luniadu.

Bydd cyd-destun ychwanegol yn canolbwyntio ar y ffordd y defnyddir ac y cyfeirir at diroedd yn y celfyddydau a’r bydoedd naturiol fel safleoedd potensial
o ysbrydoliaeth.

Yn addas ar gyfer lefelau canolraddol / uwch.

WEDI DOD I BEN

Gweithdy

Gweithdai Crefft GWNEUD

Nerys Jones & Ticky Lowe 25 Chwefror 1.30pm – 3.30pm AM DDIM yn addas i bob oed, dim angen bwcio

Nerys Jones – Artist tecstilau
Gwneud darn o emwaith addurniadol gan ddefnyddio ystod o ddefnyddiau i greu patrymau a gweadeddau diddorol wedi’u hysbrydoli gan y gwaith sy’n cael ei arddangos yn ein harddangosfa GWNEUD.

Ticky Lowe – Artist ffibr
Gwneud ffigwr miniatur gan ddefnyddio weiren, gwlân a dewis cyffrous o weadeddau, lliwiau, sgrapiau o ffabrig patrymog a botymau.

Galwch heibio ar unrhyw adeg neu dewch i dreulio’r prynhawn cyfan â ni.

WEDI DOD I BEN