Canolfan Grefft Rhuthun
Y Ganolfan i’r Celfyddydau Cymhwysol

← YN ÔL I'R ARCHIFAU

Arddangosfa Oriel Werthu

Jaejun Lee

16 Medi – 21 Tachwedd 2020

Seramegydd o Gorea yw Jaejun Lee. Fe symudodd i Gaerdydd yn 2018 ac yn awr mae’n gweithio yn y DU â fisa ‘Dawn Eithriadol’. Ei arbenigedd yw porslen a bydd yn gwneud llestri artistig a llestri swyddogaethol. Bydd ffurf syml ei lestri’n gwneud i bobl ganolbwyntio ar siâp allanol ac arwyneb llyfn. Fe astudiodd Jaejun ym Mhrifysgol Seoul lle y cwblhaodd ei BFA a’i MFA mewn Serameg. Ers hynny mae wedi arddangos yn eang ledled Corea yn ogystal ag yn UDA ac Ewrop, gan ennill cymeradwyaeth ryngwladol am ei waith.

Bydd Jaejun yn mwynhau gwrthrychau pob dydd ac yn credu y dylai pob eitem y byddwn yn rhyngweithio ag o fod yn hardd ac o ddyluniad manwl. Mewn byd o fasgynhyrchu bydd yn gofyn i’w gynulleidfa ystyried cymhelliad y gwneuthurwyr i gynhyrchu gwrthrychau, i werthfawrogi’r gofal a gymerir i’w creu a gwerth gwrthrychau sydd wedi’u gwneud â llaw. Ei nod yw cyfleu neges o ymarferoldeb a harddwch drwy ei waith. Mae Jaejun yn gobeithio, drwy ddefnydd parhaus, y bydd y gwrthrychau’n cyfoethogi ac yn gwella bywyd dyddiol y defnyddiwr.

Mae’r gweithiau i gyd ar gael i’w prynu